|     |     |  
 
         
   
 

MƏMMƏD ARAZLI GÜNLƏRİM
GÜLXANIM FƏTƏLİ QIZI

SƏNƏTDƏ SON MƏNZİL OLMUR
PUBLİSİSTİK YAZILAR VƏ MÜSAHİBƏLƏR

MƏN ÖZÜM BİLİRƏM NƏÇİYƏM NƏYƏM
HAQQINDA YAZILMIŞ MƏQALƏLƏR
 
VAXTIN QALSA

                              Vaxtın qalsa əgər
                             Mənə də baş çək...

Əgər əyilməsən hər əyləncəyə,
Əgər hər vədəyə umsuq olmasan,
Havaya sovrulan hər deyləncəyə
Ağlı kar, gözləri yumuq olmasan,
Tərif gülabından huşun itməsə,
Başlar çəkisində başın itməsə,
Anlar aramasan qızıl qayçılı,
Umulu, küsülü, ərkli, qayğılı
Ədalı, gileyli çağında hərdən
Mənə də baş çək.
Ağıl dəyirmanı nağıl üyütməz.
Nağıl dəyirmanı nə desən, udur.
Bəzi kişilərin vədələrində
Qızıl tabaxlarda daş-qaş soyuyur.
Hənir təklənəndə gül yastıq belə
Sanasan kəsilmiş başdı, uyuyur.
Kimdi təkliyimə şərikli çıxan?
Alışma eləyək keçən günləri...
Mənim də payımı qoynuna yığa,
Mən yığam əlindən tökülənləri.
Mən nağıl danışmaq bacarmamışdım,
Bölə bilməmişdim üçü üç yerə.
Gəl indi min dilli nağıl danışım,
Üçü yüz üç yerə,
Yüzü heç yerə...
Qeybət də qiymətli xammaldır indi,
Allam qeybətini neçəyə desən.
Girsə tərəziyə, bu da yəqindi,
Bərabər gələcək əzilən, əzən.
Pulsevən çox olar, yoxsa gülsevən,
Zəvzəyən artıqdı, ya kövşək çalan?
Çoxalıb bu sayaq suallar verən,
Cavab istəmir də cavabsız qalan,
Olmaz yalanın da heç dili qısa,
Tapar ünvanımda bir üz, bir qılıq
Arada bir damla ülfət qalıbsa,
Çəkməyə, satmağa söz axtarmırıq...
Baş çək ürəyimə,
Vaxt tapsan əgər.
Qəfləti üzləşdik orada bəlkə.

29 mart, 1984.

 
Bizim Nizami yaşlı ağsaqqal, müdrik poeziyamız, eyni zamanda, həmişə gənclik həvəsli, gənclik ehtiraslı olub.
Əsl sənət «söz oxuna meylli» deyil
Başqa cür desək,  sənətkar insan  da dağlar kimidir.
Şair doğmalığı, şair yadlığı!
Təbiət arxayın idi, toxtaq idi. Ancaq zaman elə zaman idi ki,
Uzun müddət xatirə yazmağı xoşlamamışam. Elə indi də xoşlamıram.
Niyyətimiz haradır, Mənzilimiz?...
Ucalıq, mərdlik və dostluq poeziyası



free counters
Copyright© 2009 Saytı hazırladılar:
İdeya: İradə Tuncay
Dizayner: Nizami Allahyarov
Operatorlar: Mehriban Cəfərova, Gülər İsmayılova, Vüsalə Babayeva
Korrektor: Şamxal Şəbiyev
Site by: azDesign.ws