**
Yeni il ucaltdı yeni səsimi,
Doqquz əl uzandı gələn qonağa.
Onuncu planet badəmiz kimi
Toxundu günəşlə dodaq-dodağa.
Marsda ilk qatar sürəcəyik biz,
Yolumuz səadət, zəfər yoludur.
Bu gün kainatı gəzən peykimiz
Alim ürəyidir, fəhlə qoludur.
Biz göyə uçmuruq çörək dalınca,
Yüz belə yer saxlar yerin neməti.
Göylərin düyünlü sirrinə ancaq
Vaqif edəcəyik bəşəriyyəti...
1959 |
|
