NEFTÇİLƏR
Layları doğrayan, qatları yaran,
Ən cəsur cərrahlar - neftçilərdir.
Torpaq zülmətində günəş axtaran
Yeraltı səyyahlar - neftçilərdir.
Çox həmdəm olublar borana, qara;
Yerin kölgəsinə sığınıb onlar.
Alqış qanadında ön sıralara
Ali məclislərə çağrılıb onlar.
Üfüqdən üfüqə qızıl yol açan
Əyilməz qüvvətə, qüdrətə alqış!
Torpaqdan ən uzaq ulduzlaracan
Ucalan hörmətə, şöhrətə alqış!
1972
|
|
