*
**
Seçirəm fikrimin aynasında mən:
Vəfalı, vəfasız olan dostları.
Adını dilimdən salıb itirdim,
Qonanda dilinə yalan, “dostların”.
Həyat yollarında tanınır insan,
Zaman arayır da, seçir də asan: -
İtirir daldada rəddini qazan,
Üzdəsə üzünə gülən dostları.
Sev könül dostunu gözündən artıq,
Sözünə məna ver sözündən artıq,
Deyirəm: əzizlə özündən artıq
Dərdini öz dərdi bilən dostları.
1988
|
|
